Celledoor Bible: Genesis 1

DOWNLOAD FREE!
For the cost of a prayer, own a copy of this entire Catholic miscellany.
Tolle lege!

Liber Genesis
I
^IIn principio creavit Deus c?lum, et terram. ^IITerra autem erat inanis et vacua, et tenebr? erant super faciem abyssi: et Spiritus Dei ferebatur super aquas. ^IIIDixitque Deus: Fiat lux. Et facta est lux. ^IVEt vidit Deus lucem quod esset bona: et divisit lucem a tenebris. ^VAppellavitque lucem Diem, et tenebras Noctem: factumque est vespere et mane, dies unus. ^VIDixit quoque Deus: Fiat firmamentum in medio aquarum: et dividat aquas ab aquis. ^VIIEt fecit Deus firmamentum, divisitque aquas, qu? erant sub firmamento, ab his, qu? erant super firmamentum. Et factum est ita. ^VIIIVocavitque Deus firmamentum, C?lum: et factum est vespere et mane, dies secundus. ^IXDixit vero Deus: Congregentur aqu?, qu? sub c?lo sunt, in locum unum: et appareat arida. Et factum est ita. ^XEt vocavit Deus aridam, Terram, congregationesque aquarum appellavit Maria. Et vidit Deus quod esset bonum. ^XIEt ait: Germinet terra herbam virentem, et facientem semen, et lignum pomiferum faciens fructum iuxta genus suum, cuius semen in semetipso sit super terram. Et factum est ita. ^XIIEt protulit terra herbam virentem, et facientem semen iuxta genus suum, lignumque faciens fructum, et habens unumquodque sementem secundum speciem suam. Et vidit Deus quod esset bonum. ^XIIIEt factum est vespere et mane, dies tertius. ^XIVDixit autem Deus: Fiant luminaria in firmamento c?li, et dividant diem ac noctem, et sint in signa et tempora, et dies et annos: ^XVut luceant in firmamento c?li, et illuminent terram. Et factum est ita. ^XVIFecitque Deus duo luminaria magna: luminare maius, ut pr?esset diei: et luminare minus, ut pr?esset nocti: et stellas. ^XVIIEt posuit eas in firmamento c?li, ut lucerent super terram, ^XVIIIet pr?essent diei ac nocti, et dividerent lucem ac tenebras. Et vidit Deus quod esset bonum. ^XIXEt factum est vespere et mane, dies quartus. ^XXDixit etiam Deus: Producant aqu? reptile anim? viventis, et volatile super terram sub firmamento c?li. ^XXICreavitque Deus cete grandia, et omnem animam viventem atque motabilem, quam produxerant aqu? in species suas, et omne volatile secundum genus suum. Et vidit Deus quod esset bonum. ^XXIIBenedixitque eis, dicens: Crescite, et multiplicamini, et replete aquas maris: avesque multiplicentur super terram. ^XXIIIEt factum est vespere et mane, dies quintus. ^XXIVDixit quoque Deus: Producat terra animam viventem in genere suo, iumenta, et reptilia, et bestias terr? secundum species suas. Factumque est ita. ^XXVEt fecit Deus bestias terr? iuxta species suas, et iumenta, et omne reptile terr? in genere suo. Et vidit Deus quod esset bonum. ^XXVIEt ait: Faciamus Hominem ad imaginem, et similitudinem nostram: et pr?sit piscibus maris, et volatilibus c?li, et bestiis, univers?que terr?, omnique reptili, quod movetur in terra. ^XXVIIEt creavit Deus hominem ad imaginem suam: ad imaginem Dei creavit illum, masculum et feminam creavit eos. ^XXVIIIBenedixitque illis Deus, et ait: Crescite et multiplicamini, et replete terram, et subiicite eam, et dominamini piscibus maris, et volatilibus c?li, et universis animantibus, qu? moventur super terram. ^XXIXDixitque Deus: Ecce dedi vobis omnem herbam afferentem semen super terram, et universa ligna qu? habent in semetipsis sementem generis sui, ut sint vobis in escam: ^XXXet cunctis animantibus terr?, omnique volucri c?li, et universis qu? moventur in terra, et in quibus est anima vivens, ut habeant ad vescendum. Et factum est ita. ^XXXIViditque Deus cuncta qu? fecerat: et erant valde bona. Et factum est vespere et mane, dies sextus.

next>